火車叨位去

聽thiann　 我guá　講kóng　
莊跤tsng-khaㄟê路邊lōo-pinn　
蟬siân　覕bih　佇tī　樹枝tshiū-ki　
七月tshit-gue̍h　天thinn　
鬧熱lāu-jia̍tㄟê唱戲tshiùnn-hì　
ㄒㄧ ㄌㄚ ㄙㄡ ㄈㄚ ㄇㄧ

聽thiann　我guá　講kóng　
風景hong-kíng　遮爾tsiah-nī　媠suí　
火車hué-tshia　佗位去tó-uī-khì　
提the̍h　紙筆tsuá-pit　
寫siá　歌kua　思念su-liām　你lí　
ㄒㄧ ㄌㄚ ㄙㄡ ㄈㄚ ㄇㄧ

車tshia　過kuè　磅空pōng-khang　變成piàn-sîng　暗暝àm-mî　
但是tān-sī　連鞭liâm-mi　就tiō　會ē　過去kuè-khì　
按怎án-tsuánn　你lí　走tsáu　彼个hit-ê　當時tong-sî　
無bô　留lâu　半張puànn-tiunn　批紙phue-tsuá　佮字kah-jī　

過去kuè-khì　像tshiūnn　溪邊khe-pinnㄟê田嬰tshân-inn　
攏lóng　是sī　鬥陣tàu-tīn　飛pueㄟê日子ji̍t-tsí　
這時tsit-sî　我guá　像tshiūnn　離水lī-tsuíㄟê魚hî　
放袂記pàng-bē-kì　賰tshun　最後tsuè-āu　一口氣tsi̍t-kháu-khuì　
放袂記pàng-bē-kì　
過去kuè-khì　你lí　迷人bê-lângㄟê氣質khì-tsit　
攏是lóng-sī　笑容tshiò-iông　酸甘仔sng-kam-á　甜tinn　
轉去tńg-khì　故事kòo-sū　到kàu　遮tsia　為止uî-tsí　

你lí　哪ㄟná-ē　全然tsuân-jiân　攏lóng　無bô　消息siau-sit　
我guá　親像tshin-tshiūnn　一tsi̍t　隻tsiah　蜂phang　揣無tshē-bô　蜜bi̍t　
將tsiong　過去kuè-khì　一張tsi̍t-tiunn　一張tsi̍t-tiunn　咧leh　剺lì　
這tse　日誌ji̍t-tsì　欲beh　剺lì　到kàu　何hô　時sî　
才tsiah　有ū　你líㄟê字jī　

你lí　哪ㄟná-ē　全然tsuân-jiân　攏lóng　無bô　消息siau-sit　
像tshiūnn　向ǹg　南lâmㄟê燕仔ìnn-á　斷tn̄g　翼si̍t　
毋捌m̄-bat　閣koh　轉來tńg-lâi　岫siū　看khuànn　厝邊tshù-pinn　
為啥物uī-siánn-mih　鐵枝路thih-ki-lōo　直直ti̍t-ti̍t　
火車hué-tshia　佗位去tó-uī-khì